Spendenaktion „Neubau Oids Sportheim“

 

Liebe TSV-Familie,

soeben hod de 2 Jahreshälfte 2023 ogfangd und wia de Meisten bereits mid griagd hamm, hamma wieda Einiges vor.

Unsa Hauptprojekt is dabei der Neubau des „Oidn Sportheims“ am oidn Sportplatz. Nach Gesprächen mid de Aktiven, der Jugendabteilung, den Verantwortlichen und den Bauexperten samma zur eindeutigen Entscheidung kemma „Jeda € der nomoi in a Sanierung eine gsteggd werd is verschwendet.“ Für a Verbesserung huiffd nur a Neubau des Ganzen! Oanzig des Salettl is wert das mas steh lossn.

Im Gegensatz zu mir ? (Hans Spiel – Baujahr 68) is des oide Sportheim (Baujahr 69) einfach in de Jahre kemma und verschlissen. De geschätzte Bausumme liegt bei ca. 50.000 €, davo miasma rund 60% (oiso 30.000 €) ois Verein soiba stemma. Daher diesa Spendenaufruf und de Bitte um Eure Unterstützung.

Nachdem mittlerweile da Pachtvertrag für den oidn Sportplatz (unsa Trainingsplatz) verlängert worn is, de Gemeinde de Pachtkosten übanimmd und da Bauantrag so guad wia durch is, ko uns eigentlich nix mehr stoppen.

Unsa ambitioniertes Ziel is dabei für unsan Eigenanteil rund de Hälfte davo (ca. 15.000 €) üba Spenden abzudecken. Aktuell hamma rund 10 % davo scho erreicht. Oiso do gehd no wos ?.

Für weitere Infos zu dem Projekt steh ma meine Vorstandskollegen und i Euch gern zur Verfügung.

Sportlicha Gruas
Hans Spiel